**********************************
قالت في قلبها : من البداية يطلع يخوني !!
ورجعت تقول لالا يمكن ما يكلمها
ورجعت تقول بس سهر قالت انها ترتاح له
فطوم بدت تخاف
يطلع بينهم علاقة اكبر من انهم اعضاء
قالت انشالله ما بينهم شي
وحتى لو مستحيل اهيا مسيحيييه مسيييحييييه
ورجعت تقول شنو فيها ياما ناس تزوجوا مسيحيات
آخر شي حطت ويها بالوسادة وراحت تبجي حييييل
وتقول ليش انا حبيت
ليش يا ذكرى تركتيني و خليتيني اضيع
حبيت و انا ما ادري هالانسان
فعلاً راح اكمل معاه حياتي و يكون زوجي بالمستقبل
ليش يا ذكرى رحتي وخليتني اضيع
وظلت تبجي
لين ما نامت
زهور صحيت الساعه 7ونص
فطوم يالله صحصحي وايد تأخرت وايد وايد
محاضرتي 9 وانا للحين ما تسبحت و لا شي
و الدرب طويل تعرفين صخير بعد
فطوم صحصحت و للحين في بالها سهر و بدا الخوف
يتسلل لقلبها والله العظيم لحد هاللحظة فطوم تخاف منها و من بلاويها
برغم انه هادي اثبت لها انها قاطع علاقته فيها
ومع الاجزاء الجايه بتعرفون
رزان و مريم و فاتي غابوا
ماراحو المدرسه و ما بيردوها الا لمى فطوم تردها
ههههههه خوش خوش
ايمان و شهد بنفس الصف راحو المدرسه
ظلت فطوم ويا زهور يتعدلون بيروحون الجامعه
هادي دز مسج الى فطوم
انا بدوام و البارح مانمت عدل
وايد كنت فرحان افكر فيج...
فطوم من بعد هالمسج و انه ما نام سهران بالنت يعني
ورجعت خايفه
حتى ما تريقت و لا شي و كان هادي شغلها الشاغل
فطوم ظلت بالسيارة و طول الوقت ساكته و سرحانه و تفكر
زهور : الوووو يا حلوة شنو فيج
فطوم: بس شوي متضايقه
زهور : من شنو ؟
فطوم:ما دري بس قلبي يعورني ما دري شفيني
زهور : اخاف تحبيين
فطوم : تبين الصراحة
زهور : اي قولي قولي ....
فطوم : في عضو معانا بالمنتدى وايد ارتاح له
وتقرب لي وايد وتقدرين تقولين اهوا قريب الى
كل الاعضاء و بديت اتضايق انه باقي البنات عندهم علاقه فيه
زهور : انتي تحبينه
فطوم : اي احبه بس مو الحب اللي ببالج
زهور : امممم احسن لج ولا تخلين العلاقة تتطور وانكم تحبون بعض
فطوم : ليش
زهور : لانه هالشي صعب انتي بحريينييه و هوا كويتي
فطوم : و شنو فيها عادي !!
زهور : لا منو قال عادي ...اقول خلج وياه و خلكم اصدقاء بس
ولا تخلين علاقتكم تطور الى حب و شغلات ثانيه
فطوم : سكتت و قلبها موجوع عليها
لين ما وصلوا الجامعه اهيا دخلت المكتبه و زهور دخلت الساكشن
فطوم كانت تبي تدخل المسنجر بس الجهاز اللي اهيا فيه ما فيه مسنجر
دخلت المنتدى و لقت آخر تواجد لسهر و آخر تواجد لهادي
لقتهم بنفس الوقت تقريباً
هادي بحدود 7 و عشر و سهر 7 و20 دقيقة
فطوم انكسرت اكثر و اكثر
هادي بهالوقت دق عليها
واهيا رافضة ترد عليه لانها تقدرون تقولون قلبها انحرق
توهم اول يوم
وجذي !!!
دزت له مسج شوي ضايق خلقي
اعذرني يا هادي
هادي دز لها مسج من شنو ضايق خلقج حبيبتي
لو شنو صاير بالدنيا لا تخلين ولا شي ياثر عليج
فطوم اختنقت من داخلها طلعت من المكتبة وعلى طول دقت عليه
فطوم : الو
هادي : هلا يا صباح الورد عاش من سمع هالصوت
فطوم : عاشت ايامك
هادي : شنو فيج فطوم وايد تخوفيني عليج
فطوم : لا شوي متضايقه
هادي : من شنو انا حبيبج لازم اعرف كل شي
فطوم : تقدر تقول بديت اخاف عليك و اغار من بنات المنتدى
هادي : ههههههه السالفه جذي يعني
فطوم : ايييييي انت اول حب لي و آخر حب لي انا ما ابي علاقتنا تكون فاشله و بعدها اتعرف
على الف واحد غيرك
هادي : بذمتج يعني انا باخذ المغربيه و لا السوريه
فطوم: والله كل شي جايز
هادي : هههههههه فدديت اللي يغارون
لا تحاتيييين القلب ما فيه الا واحد
فطوم : اكييد
هادي : وليش مو مصدقتني هههههههه
فطوم : هههههههههههههه اي على بالي بعد
هادي : ها تريقتي ؟
فطوم : لاما كليت شي نفسي مسدوده
هادي : تبيني امرج و نروح نتغدى ؟
فطوم: يااااااااااااااااريت
هادي :يالله انتي في وين ؟
فطوم: انا بالجامعه
وانت
هادي : انا بالدوام
على اول طائرة انا عندج
فطوم: مو تسويها
هادي : ههههههه
اوكي حبيبتي ما بي اخسرج وايد طولنا
الحين روحي اكلي لج شي و اول ماتخلصين دزي لي مسج و انا بدق عليج
فطوم : لالا تقول جذي انا و ...
هادي : انا ووو شنو ها يبى هههههه
فطوم : انا و انت وااااحد لا تقول هالكلام اوكي هادي ؟؟
هادي : انشالله عمتي
يالله تبين شي
فطوم : اي ابيييييك
وانت ما تبيني
هادي : ابيييج يا الكريهه ابيييج
فطوم : انا كريييهه عيل انت شنو يا الدب
هادي : ههههههههههه قلتيييها الدب
هادي : ياحبيبتي اشوفج على خير
فطوم: انشالله
هادي : يالله باي
فطوم : لحظة لحظة
هادي : لحظات
فطوم : هادي انا
انا
وسكتتت !!
هادي سكت و مارد عليها لانه يدري انها
شنو بتقول
فطوم : هادي انا احبك
وخجلت منه و سكرته على طووووول
فطوم حطت التلفون على قلبها و قالت
يارب يوصله احساسي و الله يخلينا الى بعض و لا نفترق
وبذاك الوقت هادي
كان وايد فرحان وكان يتمنى انها تبادله الحب و الجنون
بسسسسسسسرعه و ما تعذبه اكثر
دز لها مسج
هالكلمة وايد ريحتني و فرحتني
عسى ربي ما يحرمني منج يا الغالية
بذاك الوقت سلمان ابتعد عن فطوم وما عاد يسال عنها
تقدرون تقولون خاف على علاقته بريم تنقطع و السبب فطوم
ذكرى كانت تتعالج تنفسي
وهالشي اهوا سبب ابتعادها عن فطوم
خصوصا" من بعد وفاة ابوها صارت
تنهار من اقل شي
فطوم راحت تبي تتريق بس من الفرحة ما أكلت شي
ونطرت زهور تطلع من محاضرتها...
وبين ما فطوم على بالمكتبه تتصفح الجريدة
دخلت لها زهور
فطوم : بللل توج داخله المحاضرة
زهور : ههههههههه قلت عندي مكالمة ضروريه
استأذن و طلعت
فطوم: المكالمة لهدرجة بطول يعني
ههههههه
زهور : اي لي نهاية المحاضره
هههههههههههههه
فطوم : ماشالله اموت و اعرف انتي شلون دايماُ من المتفوقات
وانتي لا دراسة و لا شي
زهور : ههههههههه الحمدلله لا تحسديني
فطوم : لا لا افى عليج انا احسدج
زهور : يمكن
اقوول الكويتي ما دق عليج ؟
فطوم : اي دق علي و الحمدلله الحين
زهور : وشنو قال لج ...بمعنى ثاني شنو قلتوا ؟؟
فطوم : صبح علي و سألني عن اخباري و يبي يطمن بس
زهور : اها ...ومثل ما قلت لج العلاقة اللي بينكم خلها بس صداقة لا تتطور اكثر
دير باجر
فطوم : لا تخافييين
زهور : اوكي يالله خلنا نروح الى الربع و ناكل معاهم شي..
راحت فطوم و يا ربع زهور
وقاموا يطلبون لهم
وبذاك الوقت هادي قال فطوم تاخرت وايد
الظاهر ملت مني و ما تبي تسمع صوتي و اكلمها
انا قلت لها تتريق و تدز لي مسج عشان ادق عليها
وبين ما اهما قاعدين يضحكون و يطنزون على اللي هناك
كعادتهم....!!!
دق هادي على فطوم
زهور : هااااااااا اكيد الكويتي
ربع زهور : هلا بووووي كويتي
خلنا نكلمه
او سمعينا صوته
فطوم : لالالا شنو اسمعكم صوته
ما بيرضى
زهور : ياللله شووي خلنا نكلمه و نسلم عليه
فطوم : لالا ما برد احسن لي
ربع زهور : من وين طايحه عليه
انتي شكلج مو مال هالسوالف كويتي و سعودي و هالسوالف....
فطوم : وليش انتو حاطين ببالكم انه كويتي يعني خلاص
وليش دايماُ في بالكم انه في شي بالعلاقة
فطوم واهيا منفعله تقول الى زهور :
انا بروح السيارة انطرج مالي خلق ناس
مثل هالاشكال تكلمني
ربع زهور : وليش شنو فينا احنا
والله شوفي منو اللي غلط على الثاني
وشوفي منو اللي مو محترم
فطوم : ما برد عليكم
وكل واحد عارف نفسه
ومن تصرفاته يبان عليه
وانتو شوفوا اشكالكم
انتو قالتوا جذي عني لاني الوحيدة اللي ما اطلع شعري
ومحترمه حالي و مو لابسه شي يلفت
فطوووم عصبت و راحت الى السيارة
ربع زهور قاموا يصارخون :
ماباقي الا هالاشكال يكلمون كويتيييين
اقووول خلصووا بنات الكويت عشان يكلمج انتي
وكلام مثل السمن والله ...
كسرت خاطري وانا اكتبه لكم
زهور طبعاُ ما تكلمت و لا قالت شي ما تبي تزعل ربعها
وكل ما تبي تروح عشان ترد فطوم و ماتوقفها بالشمس
ربعها يقول لوا لها قعدي توه الناس وما عليج منها
مردها بتحرقها الشمس و بترد
فطوم حاولت تدق على هادي
بس مارد عليها
ورجع دق عليها
هادي : الو حبيبتي
فطوم : هلا هدوي
هادي : شنو فيج توني مسكره منج و انتي اش زينج
فطوم : بس ناس فاضيه عكرت مزاجي
هادي : شنو صار قولي لي و لا تخبين عن شي
فطوم : كنت مع ربع بنت عمتي
وانت دقيت الا بنت عمتي قالت اكيد كويتي
وكل وحدة قامت تقول عطيني اسمع
صوته ابي اكلمه
واشياء تقهر و لمى تهاوشت معاهم
قالوا لي خلصوا بنات الكويت عشان يكلمج انتي
هادي : يالله عليهم هذووله بنات مو محترميين شلون انتي تمشين معاهم
ما عليج من احد ارجووج فاتي فطوم ما عليج من احد اهم شي انتي واثقه مني و من مشاعري
فطوم : اي اكيد واثقه منك و ما علي من احد
هادي : ابتعدي عن اي احد يضايقج و يعكر مزاجج بليززز فطوم
مو انا احاول ارجعجج مثل قبل و هذووله الحثلات
يخربون كل اللي سويته
فطوم : انشالله و لا تخاف و كل شي يصير لي بقول لك
المهم هادي انا الحين لازم اسكره راسي يدور واخاف تجي زهور وتشوفني اكلمك
هادي : على راحتج...واي شي تحتاجييينه دقي لي رنه
فطوم : انشالله
هادي : تبين شي ؟
فطوم : اي ابييييييييييك
هادي : حتى انا ابييييج....
فطوم: يالله اشوفك على خير
هادي : انشالله ديري بالج على روحي
فطوم : انشالله
هادي : انشالله خاليه جذي يعني ما استاهل كلمة حلوة
فطوم: تستاهل بس اخجل اقولها لاني مو متعودة اقولها
هادي : على راحتج يالله باي فطوم
فطوم : لحظة لحظة حبيبي
لا تزعل
تراني احبك
وسكرته
الغبيه وايد تخجل ههههههههههههههه
هادي رجع دق عليها
يبيها ترد تعيد الكلام
دز لها مسج لحقيني لحقيني ابيج ضروري
فطوم ردت وواهيا خايفه
قال لها عيد الكلام ما سمعتج عدل
وراحوا يضحكون
فطوم : لا تزعل لانك حبيبي و تراني احبك
هادي : حتى انا أحبج
فطوم يالله نحسب من الواحد الى 5 و بنسكره مع بعض
فطوم و هادي : 1
فطوم و هادي : 2
فطوم و هادي :3
فطوم و هادي : 4
فطوم و هادي : 5
وسكروا...
رجعت دقت فطوم
وقالت له انا قبل سكرته هههههههه
احبك يا الكريه و رجعت سكرته
دز لها مسج ضحكي حبيبتي ضحكي الدنيا ما تسوى
الله يخلينا الى بعض و لا يحرمنا من بعض
*************************